المجله
الليله ليله عرسها
----------------
الليله ليله فرحها
ويوم زفافها وعرسها
داعيه الاحبه كلها
وعيال جيرانها واهلها
والفرحه باينه في صوتها وحسها
جايبه الاغاني كلها
والزينه ماليه الدوور وجوه قلبها
فرحه ما حد يحسها
تعبت كتير خمس سنين
تستني يومها وسعدها
ترتيب جهاز وحجات جواز
وفرش شقه وعفشها
شيلوا من هنا – ودوا هناك
حاسب لا تخدش سطحها
وعريسها كان بدر البدور
طول عمره واقف جنبها
ظلل عليها وحبها
وجاب لها بعرق السنين
كل الاماني عندها
وهوه كان معيد
في جامعه بنها نفسها
والبدله جاهزه مرتبه
وادي جرفته مذهبه
والقميص لينوه خفيف
والكوشه جاهزه موضبه
وفي وسط اصوات الفرح
سمعت صراخ
بكاء نواح
وناس بتلطم خدها
جريت قوام
وراحت تشوف ايه عندها
لقيت نيصيبها وبختها
مات في حادثه قطربنها
وهوه راجع منها
طفوا الكهارب كلها
والفرح مات والحزن ساد
مابين جيرانها واهلها
الصدمه شلت نفسها
هربت دموعها منها
سكتت تقاسيم وشها
قاعده في اوضه لوحدها
مش سامعه حد حولها
ماتت في يوم عرسها
ادعوا لها يشفي عنها
محمد سعيد
كتبت هذه القصيده بعد حادثه قطار بنها
والتي استقال بسببها الاستاذ الدكتور معالي رئيس الوزراء عصام شرف وله كل احترامي وتقديري
